အောင်ချင်းစာငှက် (Great Hornbill- Buceros )

• အောင်လောင်ငှက် (သို့) ယောင်ယင်ငှက်ဟုလည်း ခေါ်သည်။ နှုတ်သီးနှင့် မူလအမွေးရောင်များသည် တင်ပါး၏ ဂလင်းမှ ထွက်သော အစေးတစ်မျိုးကြောင့် အဝါရောင် ဖြစ်နေတတ် သည်။ ငှက်ဖို၏ မျက်နက်ဝန်းသည် အနီရောင်ဖြစ်သော် လည်း ငှက်မ၏ မျက်နက်ဝန်းမှာမူ အဖြူရောင်ဖြစ်သည်။ 
•  ရန်ကုန်တိုင်းဒေသကြီးမှလွဲ၍ ကျန်ပြည်နယ်နှင့် တိုင်းဒေသ ကြီးတို့တွင် တွေ့ရှိရသည်။ 
                  

အောင်လောင် (သို့) ဂေါရင် Plain-pouched Hornbill 

• အထီးသည် ၈၆.၅ စင်တီမီတာခန့်ရှိပြီး အမသည် ၇၆ စင်တီမီတာခန့်ရှိသည်။ လည်ပင်းတွင် စလုတ်ပါသော မျိုးစိတ်ဖြစ်သည်။ ကိုယ်လုံးနှင့် အတောင်သည် အနက်ရောင်ဖြစ်ပြီး အမြီးဖြူသည်။ မျက်လုံးနီသည်။ အထီး၏ စလုတ်မှာ အဝါရောင် ဖြစ်ပြီး အမ၏ စလုတ်မှာ အပြာရောင်ဖြစ်သည်။ ဖေဖော်ဝါရိလမှ မေလအထိ မိတ်လိုက်မျိုးပွား သည်။ ၁ လုံးမှ ၃ လုံးအထိ ဥဥသည်။ ရန်ကုန်၊ ဧရာ ဝတီ၊ ပဲခူး၊ ကရင်၊ မွန်နှင့် တနင်္သာရီတို့တွင် တွေ့ရ သည်။ မျိုးသုဉ်းရန်အန္တရာယ်ကျရောက်နိုင်သော မျိုးစိတ် (Vulnerable) ဖြစ်သည်။ 

ဗွတ်ကလုံ Sooty-headed Bulbul   

• ကိုယ်အလျားသည် ၁၉ စင်တီမီတာခန့်ရှိသည်။ ခေါင်းအုပ်နှင့်အမြီးသည် အနက်ရောင်ရှိပြီး အောက်မြီးရင်းမွေး နီသည်။ အမြီးအပေါ်ရင်းတွင် အဖြူရောင်ဖြစ်ပြီး ကျောဘက်တွင် မီးခိုးရောင်ဖြစ် သည်။ မတ်လမှ ဇွန်လအထိ မိတ်လိုက်မျိုးပွား သည်။ ၂ လုံးမှ ၆ လုံးအထိ ဥဥသည်။ ရှမ်း၊ ကယား၊ ရန်ကုန်၊ ဧရာဝတီ၊ ပဲခူး၊ ကရင်၊ မွန်နှင့် တနင်္သာရီတို့ တွင် တွေ့ရသည်။  

တောကြက် Red Junglefowl 

• ကိုယ်အလျားသည် ၆၅ စင်တီမီတာခန့်ရှိပြီး အရောင်အသွေးစုံလင်၍ အနီရောင်အမောက် နှင့် မျက်နှာရှိပြီး အမြီးသည် မဲပြာရောင်ဖြစ် သည်။ အမသည် ၄၁ စင်တီမီတာခန့်အရွယ် ရှိပြီး အိမ်မွေးကြက်မကဲ့သို့ ဖြစ်သည်။ တစ်နှစ် ပတ်လုံး မိတ်လိုက်မျိုးပွားသည်။ ၄ လုံးမှ ၉ လုံး အထိ ဥဥသည်။ မြန်မာနိုင်ငံ အနှံတွင် ပေါများစွာ တွေ့ရသည်။   

ဗျိုင်းအောက် Pond-heron

• ကိုယ်အလျား ၄၅ စင်တီမီတာခန့်ရှိသည်။ အတောင်သည် အညိုရောင်ရှိ၍ ကိုယ်လုံးသည် အဖြူရောင်ဖြစ်သည်။ လည်ပင်းနှင့် ရင်ပတ်တွင် အမဲစင်းများ ပါသည်။ ပျံသန်းသည့်အခါ အတောင် နှင့် အမြီးသည် ထင်ရှားစွာဖြူနေသည်။ မိတ်မလိုက် ခင် အချိန်တွင် ဗျိုင်းအောက်အမျိုးအစားကို ခွဲခြား ၍ မရနိုင်ပေ။ ၃ လုံးမှ ၅ လုံးအထိ ဥဥသည်။ မြန်မာ နိုင်ငံအနှံ့တွင် တွေ့ရသည်။  

လင်းယုန်  Crested Serpent-eagle 

• ကိုယ်အလျား ၆၂ စင်တီမီတာခန့်ရှိသည်။ ကြီးမားသော အမောက်နှင့်အတူ မျက်နှာ တွင် အဝါရောင် အရေပြားပါရှိပြီး ဦးခေါင်း နှင့် ကျောဘက်ပိုင်းတွင် အမဲစင်းနှင့် အဖြူ စက်များ ပါသည်။ အောက်ပိုင်းသည် အရောင်ညစ်ညစ်ရှိပြီး ရင်ဘတ်နှင့် ဗိုက်တွင် နီညိုရောင်အစင်းများရှိသည်။ အမြီးသည် အနက် ရောင်ရှိပြီး အလယ်တွင် ကန့်လန့် ဖြတ် အဖြူတန်း ပါသည်။ နှုတ်သီးရင်းနှင့် ခြေထောက်သည် အဝါရောင်ရှိသည်။ အတောင်အဖျားမဲနေပြီး အတောင်ပေါ်တွင် ထင်ရှားကြီးမားသော ကန့်လန့်ဖြတ်အဖြူ တန်းကို ပျံသန်းသည့်အခါ တွေ့ရသည်။ ဇန်နဝါရီလမှ အောက်တိုဘာလထိ မိတ်လိုက်မျိုးပွားကြသည်။ ဥ ၁ လုံးသာ ဥသည်။ မြန်မာနိုင်ငံ အနှံ့တွင် တွေ့ရသည်။